Croesawu cynrychiolwyr newydd Rhwydwaith Meddygon SAS

---

Mae CBSeic Cymru yn falch o gyhoeddi bod cynrychiolwyr Rhwydwaith Meddygon Arbenigol ac Arbenigwyr Cyswllt (SAS) wedi'u penodi i Fyrddau Iechyd Lleol, gyda chynrychiolaeth ychwanegol ar gyfer darparwyr preifat.

Y cynrychiolwyr yw:

• Bwrdd Iechyd Prifysgol Aneurin Bevan – Dr Nino Curatola
• Bwrdd Iechyd Prifysgol Betsi Cadwaladr – Dr Neha Garg
• Bwrdd Iechyd Prifysgol Caerdydd a'r Fro – Dr Anjana Reddy
• Bwrdd Iechyd Prifysgol Cwm Taf Morgannwg – Dr Hemma Sungum
• Bwrdd Iechyd Prifysgol Hywel Dda – Dr Madappa Viswanath
• Bwrdd Iechyd Addysgu Powys – Dr Gathoni Kamau
• Bwrdd Iechyd Prifysgol Bae Abertawe – Dr Arif Naseema
• Darparwyr Preifat – Dr Amake Udo

Mae’r Rhwydwaith SAS wedi'i sefydlu i gryfhau cysylltiadau rhwng seiciatryddion SAS ledled Cymru, gan gynnig llwyfan ar gyfer cydweithio, cefnogaeth gan gymheiriaid, a dysgu ar y cyd.

Lansiwyd y Rhwydwaith yn ffurfiol ddydd Gwener 9 Mai yng nghynhadledd gyntaf Rhwydwaith SAS CBSeic Cymru. Roedd y digwyddiad hwn yn garreg filltir bwysig wrth gydnabod a chefnogi'r cyfraniad gwerthfawr y mae seiciatryddion SAS yn ei wneud i wasanaethau iechyd meddwl yng Nghymru.

Dywedodd yr Athro Alka Ahuja MBE, Cadeirydd CBSeic Cymru:

“Rydym wrth ein bodd yn croesawu ein cynrychiolwyr newydd, a fydd yn chwarae rhan hanfodol wrth sicrhau bod lleisiau seiciatryddion SAS yn cael eu clywed a’u cefnogi ledled Cymru. Bydd eu harweinyddiaeth yn helpu i feithrin cydweithio a datblygiad proffesiynol o fewn yr arbenigedd.

“Mae sefydlu’r Rhwydwaith hwn, a phenodi cynrychiolwyr ymroddedig, yn adlewyrchu ein hymrwymiad i werthfawrogi, cydnabod a chefnogi seiciatryddion SAS yn eu gyrfaoedd. Edrychwn ymlaen at gydweithio i gryfhau eu cyfraniad a gwella gofal cleifion.”

Os hoffech chi gymryd rhan yng ngweithgareddau SAS yn y coleg, cysylltwch â Dr Alison Shaw neu Dr Jacqueline Palmer drwy e-bost.