Mae Coleg Brenhinol y Seiciatryddion yng Nghymru yn annog ymchwil i effeithiau gweithio gartref ar les pobl – flwyddyn yn ddiweddarach ers dechrau'r pandemig.
Cododd cyfran y gweithwyr a nododd eu bod yn gweithio gartref yn unig yn y DU o 5.7% yn union cyn cyfyngiadau symud y gwanwyn i 43.1% ym mis Ebrill 2020.
Yng Nghymru cynyddodd bron i ddeg gwaith, gan neidio o 3.8% i 36.8%.
Nawr, mae'r Coleg yn cefnogi gwaith ymchwil gan Technology Enabled Care (TEC) Cymru, a gyflwynodd y Gwasanaeth Ymgynghori Fideo Cenedlaethol mewn ymateb i argyfwng Covid-19.
Mae ymchwilwyr yn awyddus i gael gwybod am effeithiau gweithio gartref er mwyn sicrhau bod pobl yn cynnal cydbwysedd bywyd gwaith iach, ar ôl pandemig.
Mae hyn yn dilyn uchelgais datganedig Llywodraeth Cymru i 30% o'r gweithlu weithio o bell yn rheolaidd.
Mae unigolion a busnesau yn cael eu hannog i feddwl am sut maen nhw eisiau sicrhau cydbwysedd bywyd gwaith iach drwy gwblhau'r arolwg ar-lein o'r enw Gweithio o Bell, Manteision, Anfanteision a Model Delfrydol, sydd ar agor ar-lein nawr.
Dywedodd yr Athro Alka S Ahuja MBE, RCPsych Cymru:
"Rydym yn annog cynifer o bobl a chymaint o sefydliadau i gwblhau'r arolwg cychwynnol, ac i hyrwyddo lle bynnag y bo modd.
"Rydym yn gwybod am yr effeithiau y mae trefniadau gweithio gwahanol wedi'u cael ar unigolion drwy gydol y pandemig, mae pobl a sefydliadau wedi gorfod addasu'n gyflym i amgylchiadau nas rhagwelwyd. Mae hyn yn ymwneud â deall a llywio penderfyniadau unwaith y bydd y pandemig wedi mynd heibio."
Dywedodd yr ymchwilydd arweiniol ar y prosiect, Gemma Johns o TEC Cymru:
"Mae'r achosion o Covid-19 wedi newid y ffordd rydyn ni'n gweithio ac o'r cyfyngiadau symud cyntaf, mae'r gwaith cartref wedi cynyddu'n ddramatig.
Rydyn ni'n awyddus i wybod sut mae hyn wedi effeithio ar bobl. Efallai y byddai rhai wedi'i fwynhau ac yn teimlo llai o straen tra bod eraill efallai wedi teimlo eu bod wedi'u torri i ffwrdd oddi wrth gydweithwyr.
Mae'n bwysig ein bod yn cael darlun cywir i lywio sut rydym yn llunio ein bywydau gwaith yn y dyfodol."
Er mwyn cynorthwyo unigolion sy'n gweithio gartref ar hyn o bryd mae TEC Cymru wedi datblygu canllawiau ar gyfer gweithio gartref. Mae hyn yn annog gweithwyr i:
- Cynnal trefn dda.
- Gwnewch restr o bethau i'w gwneud bob dydd.
- Cael ymarfer corff da – ewch allan am dro.
- Gwnewch yn siŵr eich bod yn cadw mewn cysylltiad â ffrindiau a theulu.
- Cymerwch seibiant o'r cyfryngau cymdeithasol.
- Dilynwch ddeiet iach a chytbwys ac osgoi alcohol.
Nodiadau i olygyddion
Linc i'r arolwg: Gweithio o bell: manteision, anfanteision ac arolwg model delfrydol
Rhagor o wybodaeth am sut i gynnal cydbwysedd da rhwng bywyd a gwaith.
For further information, please contact:
- Email: laura.varney@rcpsych.ac.uk
- Contact Name: Laura Varney, Senior Media Officer (Devolved Nations)