Add up to five of your favourite RCPsych pages to find them whenever you need.

You currently have no favourites. Visit and add pages to access them here.

    Ysgol Haf CBSeic Cymru

    Mae Ysgol Haf CBSeic Cymru yn ddigwyddiad deuddydd blynyddol i fyfyrwyr sydd â diddordeb mewn gyrfa sy'n gysylltiedig â meddygaeth i ddysgu mwy am y maes.
    Yn ystod y ddau ddiwrnod hyn, bydd myfyrwyr yn cael cipolwg ar amrywiaeth o broffesiynau gofal iechyd, yn ogystal â'r broses o lunio polisïau sy'n gysylltiedig â nhw.

    Mae'r ysgol haf yn gyfle gwych i fyfyrwyr archwilio ehangder gyrfaoedd gofal iechyd a chael mwy o fewnwelediad i'r hyn y gallent ddymuno ei astudio yn y dyfodol.

    Cynhelir yr Ysgol Haf nesaf yn 2027.

    Byddwn yn derbyn mynegiadau o ddiddordeb yn y gwanwyn.

    Rhaglen

    Er bod y rhaglen yn amrywio o flwyddyn i flwyddyn, mae'n dilyn fformat arferol:

    • Diwrnod 1: Bydd myfyrwyr yn derbyn sgyrsiau gan amrywiaeth o weithwyr proffesiynol, a all gynnwys seiciatryddion, seicolegwyr, gweithwyr proffesiynol perthynol i iechyd, llawfeddygon, ymchwilwyr a myfyrwyr meddygol, gan roi cipolwg iddynt ar yr amrywiaeth o rolau gofal iechyd.
    • Diwrnod 2: Mae'r ail ddiwrnod wedi'i leoli o amgylch y Senedd ym Mhae Caerdydd, lle bydd cyfle i fyfyrwyr fynd ar daith o amgylch yr adeilad, cwrdd ag Aelodau'r Senedd a dysgu am sut y gall gweithwyr gofal iechyd gyfrannu at lunio polisi a deddfwriaeth.

    Cwestiynau Cyffredin

    Dyma ragor o fanylion am yr ysgol haf.

    Gellir cyfeirio unrhyw ymholiadau pellach at Caroline Walters.

    Mae'r Ysgol Haf ar agor i fyfyrwyr blwyddyn 11 o bob cwr o Gymru sydd â diddordeb mewn dilyn gyrfa ym myd gofal iechyd. Gallai hyn gynnwys ystod eang o feysydd, o feddygaeth i bolisi iechyd neu ymchwil.

    Cynhelir yr Ysgol Haf yng nghanol dinas Caerdydd a Bae Caerdydd. Yn anffodus, ni allwn gynnig yr opsiwn i fynychu'n rhithiol.

    Na, darperir yr Ysgol Haf am ddim.

    Ydy, bydd cinio a lluniaeth yn cael eu darparu i fyfyrwyr.

    Ni all CBSeic Cymru helpu gyda chludiant a llety, felly mater i'r myfyrwyr yw trefnu hyn drostynt eu hunain.

    Blog mynychwr

    I gael persbectif myfyriwr ar yr Ysgol Haf, mae un o’n mynychwyr blaenorol wedi ysgrifennu blog byr.