بالغاں تے سیاناڑیاں دا ڈپریشن

ایہہ اطلاعی پرچہ ہر اوس بندے لئی اے جہڑا اداس، بد حال، ویران، یا ناامیدی محسوس کررہیا اے۔ جہڑا محسوس کرے کہ اوہ مشکل وقت وچوں لنگھ رہیا اے، تے ایہہ سوچے کہ اوہ خبرے ڈپریشن وچ اے- اسیں امید کردے آں کہ ایہہ رشتہ داراں تے یاراں بیلیاں دے وی کّم آوے گا-

ایہہ پرچہ دسدا اے کہ ڈپریشن (تہاڈے دماغ تے کاٹھ دوویں وچ) کینج محسوس ہندا اے، تسیں اپنی مدد کیویں کر سکدے او، کس قِسم دی مدد موجود اے، تے کسی ایسے جی دی مدد کیویں کیتی جا سکدی اے جہڑا ڈپریشن وچ ہووے۔

پرچے دے اخیر وچ، اُنہاں دوجیاں تھانواں د ا پتہ اے جتھے تسیں ہور وی معلومات لے سکدے او۔

ہالوں بے حال محسوس کرنڑ وچ تے ڈپریسڈ ہونڑ وچ کی فرق اے؟

ہر اک دی زندگی وچ ایسے ویلے آؤندے نیں جدوں اوہ ویران یا ہالوں بے حال محسوس کردے نیں۔ ایہہ عام طور تے کسی خاص وجہ توں ہندا اے، روزمرہ دی زندگی نوں زیادہ متاثر نئیں کردا، تے عام طور تے اک یا دو ہفتیاں توں ودھ نئیں رہندا۔

البتہ جے ایہہ احساسات ہفتیاں یا مہینیاں تک رہنڑ، یا ایہنے شدید ہو جانڑ کہ تہاڈی زندگی دے ہر پہلو نوں متاثر کرنا شروع کر دینڑ، تاں تہانوں ڈپریشن ہو سکدی ہے، تے ایسی صورت وچ تہانوں مدد لینڑی چاہی دی اے۔

ڈپریشن دیاں علامتاں کیہ نیں؟

لوکی ڈپریشن نوں وکھو وکھ تے مختلف شدت دے نال محسوس کردے نیں. ڈپریشن¹ دے ہلکے، درمیانے تے شدید درجے نیں۔

لوگ ڈپریشن دا ساہمنڑا کیویں کردے نیں، لوکاں دا ڈپریشن دا تجربہ اوہناں دے پِچھّا، ثقافتی پِچھّا، اوہناں دیاں ذاتی قدراں، عقائد تے زبان توں وی متاثر ہوندا اے.

جئے تسیں ڈپریسڈ او، تاں تہانوں درج ذیل اچوں کجھ دا احساس ہووے گا:^{1 2}

تہاڈے خیالاں وچ، تسیں:

• ناخوش، دکھی، گُھٹے ہوئے، یا افسردہ محسوس کر سکدے او۔ ایہہ احساس برقرار رہندا اےاتے دنڑ دے اک مخصوص ویلے، زیادہ تر صبح دے ویلے ایہہ حالت بد تر ہو سکدی اے
• کسی گل دی خوشی نئیں ہندی
• لوکاں نوں ملنڑ وچ دلچسپی گھٹ ہو جاندی اے تے یاراں بیلیاں نال رابطہ مُک جاندا اے
• پوری توجہ نئیں دے پاؤندے اوتے فیصلے کرنڑ وچ مشکل محسوس کردے او
• اپنڑی ذات تے بھروسہ نئیں رہندا اے
• اپنڑے اندر قصور وار تے نااہل ہونڑ دا احساس ہندا اے
• اک احساس یا یقین کہ آن آلے ویلے وچ بھیڑے کم ہون گے
• ناامیدی محسوس کرنڑ لگدے او، اتے ہو سکدا اے خود کشی دے خیالات وی پیدا ہونڑ لگ پینڑ.

تہاڈے جسم وچ، تہانوں محسوس ہووے گا کہ:

• تسیں بے چینی، گھبراہٹ یا بے تابی محسوس کردے او
• تھکاوٹ محسوس کردے او تے ساہ ست نئیں اے
• سوں نئیں سکدے یاں بہت زیادہ سوندے او
• صبح سویرے جاگ جاندے او تے / یاں ساری رات جاگدے رہندے او
• سر پیڑ یا ڈھیڈ خرابی اے
• جنسی تعلق وچ دلچسپی کھو دیو
• کھانڑا نئیں کھا سکدے اتے وزن نئیں گھٹا سکدے یا ‘آسانی نال’ ودھ خوراک کھا کے وزن ودھا سکدے او.

دوجے لوگ محسوس کر سکدے نیں کہ تسیں:

• کم تے غلطیاں کردے او یاں توجہ نئیں دے سکدے
• ضرورت توں ودھ چپ اواتے پچھے لُکے رہندے او، یاں لوکاں نوں ملنڑ توں پرہیز کر دے او
• چیزاں بارے معمول توں ودھ فکر مند او
• معمول توں ودھ چڑچڑے او
• معمول توں ودھ یا گھٹ سوں رہے او
• جسم دے بے معنی مسائل بارے شکایت کر رہے او
• اپنی دیکھ بھال کرنا چھڈ دتی اے ۔ تسیں اپنے وال یا کپڑے نئیں دھوندے
• اپنڑے گھار دی دیکھ بھال چھڈ تی اے۔ کھانڑا پکانڑا چھڈ تا اے، صاف ستھرے نئیں رہندے یاں اپنڑے بستر دی چدر بدلنا بھل جاندے او.

بوہتے لوک ایہناں سب دا تجربہ نئیں کرن گے، تے کجھ لوک صرف جسمانی علامات توں آگاہ ہو سکدے نیں. تہانوں اینج لگے گا جیویں تہانوں کوئی جسمانی بیماری اے کیونکہ تسیں بہت تھکاوٹ محسوس کردے او یاں تہانوں نیند دا کوئی مسئلہ اے، لیکن ایہہ جسمانی علامتاں دراصل ڈپریشن دیاں پہلیاں علامتاں ہو سکدیاں نیں۔^{1 2}

ہو سکدا اے کہ تہانوں اپنڑے ڈپریشن دی حد دا احساس نہ ہووے، خاص طور تے جئے ایہہ (ڈپریشن) وقت دے نال ودھدا جاوے. بعض ویلے لوکی ایہدے تے قابو پاؤنڑ دی کوشش کردے نیں اتے ایہہ وی ہو سکدا اے کہ اوہ اپنڑے آپ تے سست ہونڑ یا قوت ارادی دی کمی دا شکار ہونڑ دا الزام لاؤنڑا شروع کر دینڑ.

کدی کدی تہانوں قائل کرن لئی کسے دوست یا ساتھی دی لوڑ ہوندی اے کہ واقعی کوئی مسئلہ اے تے تہانوں مدد لین دا مشور دیندے نے کے تسی مدد منگو.

جے تُسی یا کوئی دوست یا ساتھی ویکھدا اے کہ تہانوں مدد لین دی لوڑ ہو سکدی اے:

• ڈپریشن دے تہاڈے احساسات تہاڈے کم، دلچسپیاں تے تہاڈے ٹبر تے بیلیاں دے بارے وچ احساسات نو متاثر کردے نیں
• تہاڈے ڈپریشن دے احساسات کجھ ویلے تع چل رہے نیں تے اینج لگدا اے کے تسی ٹھیک نہی ہو رہے او
• تہانوں اپنڑے آپ وچ محسوس ہوندا اے کے زندگی جین دے قابل نہین، یااے کے دوجے لوک تہاڈے بغیر ٹھیک نیں.

بے چینی کی اے؟

کجھ لوک ڈپریشن دے شکار ہون تے بوہت پریشانی وی محسوس کر سکدے نیں.^{1 3}

تسی ہر ویلے پریشانی تے خوف محسوس کر سکدے او، باہر جانا یا لوکاں دے نال رہنا مشکل ہو سکدا اے. یا تہانوں جسمانی علامتاں دا سامنا کرنا پے سکدا ا ے جیویں منہ خشک، پسینے دا آنا، سا پھولنا یا ڈھیڈ وچ مروڑ.

جے تسی ڈپریشن تے بے چینی دی حالت وچ او تے، تہانوں عام طور تے ایناں وچوں اک دا علاج ملے گا جیہڑے تہانوں زیادہ مشکل پیش کر ری اے.¹

بائی پولر ڈس آرڈر (مینک ڈپریشن) کی اے؟

کجھ لوک جیہڑے ڈپریشن وچ ہوند ے نیں اوناں دے دوریاں وچ وی اضافہ ہو جاندا اے خاص کر جدوں او بہت خوش یا برجوش ہوندے نیں. اینوں مینیا کہندے نیں تے اس دا مطلب اے ہو سکدا اے کے تہانوںبائی پولر ڈس آرڈر ہو سکدا اے (جینو مینک ڈپریشن کہیا جاندا سی).^{4 5}

ڈپریشن کیوں ہوندا اے؟

ڈپریشن کمزوری دی علامت نہی اے. ایہ سب توں زیادہ پرعزم لوکاں دے نال ہو سکدا اے - ایتھوں تیکر کہ مشہور لوک، کھلاڑی تے مشہور شخصیتاں وی ڈپریشن دا سامنا کر سکدیاں نیں.

کدی کدی ڈپریشن دی اک کھلی وجہ ہووئے گی ، تے کد کدی نہی. اے مایوسی، انتشار یا کجھ گوا چ جان دے احساس دے وجہ توں وی ہو سکدا ے یا تہاڈے لئی کسے اہم بندے دے چھڈ جان دی وجہ توں وہ ہو سکدا ے.

اکثر اک تو زیادہ وجہ وی ہوسکدیاں نیں، تے اے مختلف لوکاں لئی مختلف ہو سکدا اے. اسی تھلے کجھ ہور عام وجہ وی دس رہے آں.

زندگی دے واقعات تے ذاتی حالات

ڈپریشن کسے تناؤ یا پریشان کن واقعہ دی وجہ توں وی ہو سکدا اے، جیویں سوگ، رشتیاںدا ٹوٹنا، تے نوکری دا چھوٹ جانا.^{6 7}

جے تہاڈی زندگی دے حالات دا مطلب اے وے کے تسی کلے ریندے او یاتہاڈے کول گھر آلے یا ر بیلی نہی نیں، تے تہاڈے افسردہ ہون دے امکان بہت ودھ جاندے نیں.^{8 9}

جسمانی صحت

نیند، کھان پین، تے ورزش سارے ساڈے مزاج نوں متاثر کر سکدے نیں، تے اسی چیزیاں نال کجھ نبڑدے آں.

جسمانی صحت دے مسئلے، خاص کر کے او جیہڑے سنگین یا لمے ویلے آلے نیں، اے دی وجہ بن سکدے نیں یا ایس توں وی پیڑے ہو سکدے نیں.^{10 11} ایہناں وچ شامل نیں:

• جان لیوا بیماریاں جیویں کینسر تے دل دی بیماری
• لمے عرصے آلی تے / یا تکلیف دہ بیماریاں ، جیویں گٹھیا
• وائرس دی انفیکشن جیوں نزلہ یاغدوواں دا بخار- خاص کر کے جوان لوکاں وچ
• ہارمونل مسائل، جیویں خراب تھائیرائیڈ
• دماغ یا اعصابی نظام نوں متاثر کرن آلے حالات.¹²

بچپن دا صدمہ

کجھ لوک دوجیاں توں ودھ ڈپریشن دا شکار ہو سکدے نیں. اے بچپن دے اوکھے تجربات یا صدمے دی وجہ تو ں ہو سکدا اے،جیس وچ برا سلوک ( جسمانی، ذہنی تے نفسیاتی) غفلت ، تشدد تے تکلیف دہ واقعے دا مشاہدہ، یا خراب خاندانی ماحوال وہ ہو سکدا اے.^{13 14 15}

شراب تے منشیات دا استعمال

روز روز شراب پینا ^{16 17} یا بھنگ جیہاں منشیات^{18 19} دا استعمال تہانوں لمے عرصے لئی افسرد ہون دا امکان ہو سکدا اے.

جینیاتی عوامل

ایس طرح دے جنیاتی خطرے دے عوامل ایس گل وچ شامل نیں کہ کسے نوں شدید افسردگی، بائی پولر ڈس آرڈر یا شیزو فرینیا ہوندا اے. ماحول دے خطرے دے عوامل وہی ہین، تے اے ایناں حالاتاں دے ودھ جان یا گھٹ ہون لئی جینیاتی خطریاں دے عوامل نال رل کم کر سکدے نیں.

مثلا ، تواڈے وچ جینیاتی خطرے دے عوامل ہوسکدے نیں جیس دا مطلب اے کے توانوں شدید افسردگی ہون دا امکان ودھ اے. تاں جے ، جے تسی جوان ہوندے او یا مستحکم تے مثبت ماحول رہندے او اے توانوں وچ سنگین ذہنی بیماری دے ودھن دے خطرے نوں گھٹ کر سکدا اے.

شدید ڈپریشن ورگی سنگین دماغی بیماری آلے ماں پیو دا ہونا اپنے آپ نوں سنگین ذہنی بیماری پیدا کرن دا سب توں مضبوط خطرہ اے. وجنہاں بچیاں دے ماں پیو نوں کوئی گمبھیر ذہنی بیماری اے، اوہناں دے آپ نوں گمبھیر ذہنی بیماری ہون دا 3 چوں 1 موقع ہوندا اے.

ڈپریشن دے ودھن دیاں وجوہات دے بارے سوچن ویلے ، اے یاد رکھنڑا ضروری اے کہ بہت ساریاں مختلف شیواں شامل ہوندیاں نیں، تے اے کہ کوئی وی خطرے دا عنصر افسردگی دا سبب نہیں بنڑا دا اے.²⁰

کیہ جنس تے جنسیت نال جڑے ڈپریشن وچ فرق اے؟

ڈپریشن دے بیماری آلے بندیاں وچ اپنڑے احساسات دے بارے گل کرن دا امکان گھٹ ہوندا اے تے اناں وچ مدد مانگن دا امکان وی گھٹ ہوندا اے. ²¹ او اچانک غصے، ذبت کرن وچ وڈی کمی، ودھ خطرہ مول لین تے لڑائی جھگڑے دے نال نال شراب تے منشیات نو استعمال کر کے اپںی افسردگی دے اظہار کردے نیں. ^{23 24} عورتاں نالوں مرداں وچ خود کشی کرن دا ودھ امکان ہوندا اے. ^{23 21}

حاملہ خواتین وچوں تقریبا 12٪ نو اپنڑے حمل دے دوران ڈپریشن دا سامنڑا کرنا پووے گا ، جدوں کہ 15-20٪ بچہ جمن دے بعد پہلے سال وچ ہی افسردہ ہوجانڑ گیاں. ²⁴

او لوک جیڑے ٹرانس جینڈر نیں (او جمن دے ویلے ملن آلی صنف توں وکھری جنس توں جانڑے جاندے نیں) اے اوناں لوکاں دے مقابلے وچ افسردگی تے اضطراب دی اوچی سطح دا سامنڑا کرسکدے نیں جیہڑے کے جمن دے ویلے ملن والی صنف دے نال جانے جاندے نیں. دو لوک جیہڑے غیر بائنری ہوندے نے (او زنانی / زنانی یا مرد / مرد دے طور تے شناخت نہی ہوندے نیں) ایناں وچ وی افسردگی تے اضطراب ودھ ہو سکدیاں نیں. ^{25 26}

او لوک جیہڑے ہم جنس پرست، ہم جنس پرست یا دو جنس پرست دے طور تے شناخت رکھدے نیں تے اوںاں وچ غیر جنس پرست افراد دے مقابلے وچ ذہنی صحت دا مسئلہ (بشمول ڈپریشن) ہونڑ دا امکان ودھ ہوندا اے. ²⁷ اوںاں وچ خودکشی تے خود نو نقصان پہنچان دی کوشش کرن دا خطرہ وی ودھ ہوندا اے. ^{27 28}

کی میں اپنڑے طور تے ٹھیک ہوسکدا آں؟

چنگی خبر ایہ اے کہ ڈپریشن دے زیادہ تر لوک اپنے آپ دی مدد کرن لئی کم کرن نال اپنے آپ بہتر ہو جان گے. تسی اپنے آپ ڈپریشن تے قابو پان دے قابل ہو سکدے او، جہڑا تہانوں کامیابی دا احساس تے اعتماد دیوے گا کہ جے تسی مستقبل چ گھٹ محسوس کردے او تے انج دے احساسات نال دوبارہ نبڑن لئی.

ایس پرچے وچوں کجھ تجاویز لین نال ڈپریشن دی مدت گھٹ ہوسکدی اے تے مستقبل وچ توانوں اپنڑے آپ نو چنگا رکھن وچ مدد مل سکدے آے.

پر کجھ لوکاں نو اضافی مدد دی لوڑ ہوندی اے، خاص طور تے جے اوناں دا ڈپریشن شدید اے یا اے لمے ویلے تک چلدا رہندا اے ، یا او چیزاں جیہڑاں اوناں نو ٹھیک کرن دیاں کوششاں وچ کم نہی کردیاں نیں.

جے اے پہلی وار تسی ڈپریشن دا سامنڑا کر رہے او تے، تے توانوں ڈپریشن ہون دا تقریبا 50:50 امکان اے ، لہذا اے جانن دی لوڑ اے کہ جے توانوں ایندی لوڑ تے اے کیویں مل سکدی اے.^{1, 29}

لہذا جے تہانو لگدا اے کہ تہانو کسے دے نال گل کرن دی لوڑ اے کہ تسی کی محسوس کر رہے او تے ، اینوں بند کرن دی کوشش کرو، کیونکہ ایندے نال تہانو ایناں چیزوں نو کرن وچ مدد مل سکدی اے. تے جو تسی پہلاں کردے سی اوندے ول واپس آ تے زندگی دا مزا لے سکدے او.

کدی کدی دوجے لوکاں نوں اے سمجھن وچ کجھ ویلا لگ سکدا اے کہ تسی کی محسوس کردے او. ثابت قدم رہو تے ہار نہ منو - تسی صحیح مدد حاصل کر سکدے او.

میں اپنڑی مدد کینجھ کر سکنا واں؟

اے کجھ صلاحاں نے جیہڑیاں تسی اوس ویلے آزما سکدے او جدوں تسی ڈپریشن محسوس کردوے او. اے ضروری اے کہ تسی لبو کہ تہاڈے لئی کیڑا طریقہ کم کردا اے تے مدد دین والیاں حکمت عملیاں دی اک فہرست بنا لو.

کدے نال گل کراں: جے توانوں تہاڈی زندگی وچ کوئی بیڑی یا کوئی وڈی پریشانی ہوئی اے تے، شیوں نو لکان دی کوشش نہ کرو. اے تہانوں کسی لگدے بندے نوں اے دسن وچ مدد کر سکدا اے کہ تسی ایندے بارے کی محسوس کردے او. جے تہانوں نہی لگدا کہ تسی کسے نال گل کر سکدے او تے، اے لکھن دی کوشش کرو کہ تسی کی محسوس کردے او.

کم کار کردے رہو: جے تسی اینے جوگے ہو تے، جھ ورزش لئی باہر نکلو، بھاویں اے صرف تھوڑا جئیا ٹورا پھیرا ای کیوں نا ہووے. ایندے نال تہانو خود نوں چست رکھن تے چنگے سون وچ مدد ملے گی. ایندے نال تہانوں ہور شیواں تے توجہ دینڑ وچ وی مدد مل سکدی اے نہ کہ تسی بھیڑے خیال تے احساس نال جیو.

چنگے طریقے نال کھاو: اے وی ہو سکدا اے کہ تہانوں ودھ بوکھ محسوس نہ ہوئے، پر باقاعدگی نال کھان دی کوشش کرو. جدوں تسی افسرد او تے بھار گھٹ کرنا تے وٹامنز دے کمی ہونڑا آسان اے. یا وادو جنک فوڈ کھانڑ تے وزن ودھانڑا وی جیہڑا تسی نہیں چاندا او. بوہتے سارے پھل تے سبزیاں دے نال اک چنگی خوراک دے نال، تہانوں اپنڑے جسم تے دماغ نوں صحت مند رکھن وچ مدد مل سکدے اے.

شراب تے منشیات توں پرہیز کرو: شراب تہانوں کجھ ٹائم لئی ودیا محسوس کروا سکدئ اے، پر اے اصل وچ لمے ویلے لئی افسردگی نو بہت برا بنا دیندی اے. سڑکاں تے منشیات خاص طور تے بھنگ، ایمفیٹامائن، کوکین تے ایکسٹسی دے نال وی اینج ای ہوندا اے.

سون دا معمول بناو: ہر رات نوں اک ای ویلے سون دی کوشش کرو تے ہر سویر اک ویلے اٹھو. سون لئی جان توں پہلے کجھ سکون آلا کم کرو جیس دے نال تہانوں مزا آئے، جیوں موسیقی یا کتاب پڑھو. جے تسی سو نہیں سکدے او، تے بسترے توں باہر نکل کے کجھ پرسکون کم کرو جیوں صوفے تے چپ کر کے بیھ جاو.

سکون والے کم کرن دی کوشش کرو: جے تسی ہر ویلے بے جین رہندے او تے، سکون حاصل کرن والے کم کرو، جیویں یوگا، مساج، اروما تھراپی یا ہور کوئی کم کرو جیہڑا تہانوں سکون دین آلی لگدی اے.

کجھ ایس طرح دا کرو جیس دے نال تہانوں مزہ آئے: کجھ اینج دا کرن لئی روز کجھ وقت کڈ کے او کرو جیس دے نال تسئی مزہ حاصل کردے او. جیویں کھیڈنا، پڑھنا، یا کوئی ہور شغل.

ڈپریشن  دے بارے پڑھو: ڈپریشن دے بارے وچ بہت ساریاں کتاباں تے ویب سائٹس لب جاندیاں نیں. او تہانوں اے سمجھن وچ مدد کر سکدے نں کہ کی ہو ریا اے، تہانوں چنگے طریقے نال نبڑن لئی حکمت عملی دس سکدے نیں، تے دوستاں تے رشتے داراں نوں اے سمجھن وچ مدد کر سکدے نیں کہ تسی کیناں حالاتاں وچوں گزر رہے او.

اپنڑے نال چنگا ہون دی کوشش کرو: تسی اک کامل پرست ہو سکدے او جیہڑے خود نود سخت طریقے نال لے کے چلدے نیں. اپنڑے ہدف تے توقعات نو حقیقی رکھن دے کوشش کرو. اپنڑے نال مہربان رہو.

رک جاو: کجھ دیناں لئی اپنڑے کماں توں دور باہر نکل جانڑا وی فائدے مند ہو سکدا اے. اپنڑے ہر دن دے تناؤ تے پریشانیاں تو خود نوں رکو. جے تسی اپنڑے ماحول نوں بدل سکدے او، ایتھوں تک کے کجھ گھنٹیاں لئی وی تے اے وی مدد کر سکدا اے.

کسے مددگار گروپ نال جڑو: جدوں تسی افسردہ ہوندے او تے خود دی مدد کرنا مشکل ہوندا اے. ایس طرح دے حالات وچ دوجے لوکاں نال گل کرن نال مدد مل سکدی اے. کجھ خیالات دے لئی ایس کتابچے دے آخیر وچ تنظیماں دی فہرست ویکھو.

امید نہ چھڈو: اپنڑے آپ نوں یاد دواؤ کہ بڑے جئے لوکی نیں جنہاں نوں ڈپریشن سی اتے او بھلے چنگے ہو گئے نیں ۔ مدد دستیاب اے، اتے تسیں ایس مدد دے مستحق او کہ جہدے نال تسیں اپنڑے آپ اچ بہتری محسوس کر سکوں.

ڈپریشن لئی میں کیہ مدد لے سکدا آں؟

جئے اپنڑی مدد آپ دے طور تے کوشش کرنڑ نال رزلٹ نئیں آ رہے یاں اُونہی چھیتی نئیں آ رہے جیویں تسیں چاہندے او تاں بہتر اے کہ تسیں اپنے جی۔ پی نال گل کرو.

ڈپریشن آلے زیادہ تر لوکاں دا علاج انہاں دے جی۔ پی کر دے نیں. جئے تہاڈا کوئی ریگولر جی۔ پی نہیں اے تاں، اپنڑی لوکل پریکٹس اچ کوئی ڈاکٹر لبھنڑ دی کوشش کرو کہ جہدے نال نہانوں آسانی ہووے تے جنہوں تسیں باقائدگی نال وزٹ کر سکو۔

تہاڈا جی پی تہاڈیاں علامتاں دا جائزہ لئے گا اتے ایہہ جاننڑ دی کوشش کرے گا کہ تہاڈے لئی کیہڑا علاج سب توں ودھیا رہوے گا.

تہاڈے لئی بہترین علاج دا دارومدار تہاڈے ڈپریشن دے موجودہ لیول تے ہووے گا، کہ ایہہ کِنے عرصے توں چل رہیا اے اتے کیہہ تسیں پہلاں وی ڈپریشن دا شکار رہے او.

تہاڈا جی۔ پی تہاڈا مناسب جسمانی چیک اپ وی کر سکدا اے. کیونکہ بعض ویلے کجھ جسمانی بیماریاں وی ڈپریشن دی وجہ ہو سکدیاں نیں. جئے تسیں پہلاں ای کسی جسمانی بیماری دا علاج کروا رہے او، تاں تہاڈے جی۔ پی نوں ایہدے بارے پتہ ہونڑا ضروری اے.

ابتدائی علاج (ماڑا جئیا ڈپریشن)

جئے تسیں پہلی وار ڈپریشن دا شکار ہوئے او، تاں تہانوں عام طور تے اینٹی ڈپریسنٹ تجویز نئیں کیتی جاندی. تہاڈا جی۔ پی گھٹ شدت آلی نفسیاتی مداخلت (یا گل بات نال لاج) کرنڑ دی سفارش کر سکدا اے جیویں کہ:^{1 2}

• باادراک رویے دی تھراپی (سی۔ بی۔ ٹی) دے اصولاں دے مطابق سیلف ہیلپ کتابچے یا کتاباں (صحت دی دیکھ بھال کرنڑ آلے پیشہ وراں دے تعاون نال تیار کیتے ہوئے)
• اپنڑی مدد آپ دے تحت کمپیوٹرائزڈ CBT پروگرامز (انہاں نوں اک ہیلتھ پروفیشنل دی سپورٹ وی حاصل اے)
• گروپ دی بنیاد تے مشق
• اک گروپ دی بنیاد تے پروگرام، جہڑا یاں تے ساتھیاں دی سپورٹ اپنڑی مدد آپ دے تحت یاں CBT دی بنیاد تے ہووے گا.

تہاڈا جی۔ پی تہاڈے لئی صحیح انتخاب کرنڑ اچ تہاڈی مدد کر سکدا اے.

جئے ایہہ تہاڈے لئی مؤثر ثابت نئیں ہندے، تاں تہاڈا جی۔ پی تہانوں درمیانے اتے شدید ڈپریشن دے علاج دے اگلے حصے اچ دتیاں گئیاں مداخلتاں (انٹروینشنز) اچوں کسی اک نوں آزماؤنڑ دا مشورہ دے سکتا اے.

مزید علاج معالجہ (درمیانہ اتے شدید ڈپریشن)

تہاڈا جی۔ پی کسی بہتی شدت آلی نفسیاتی انٹروینشن یاں اینٹی ڈپریسنٹ دوائیاں، یاں دوہنواں نوں ورتنڑ دا مشورہ دے سکدا اے۔¹ ایہہ فیصلہ کرنڑ لئی تسیں انہاں نال گل کر سکدے او کہ تہاڈے لئی کیہڑا علاج سب توں ودھیا ہو سکدا اے.

نفسیاتی مداخلت (انٹروینشن)

ڈپریشن دے شکار لوکاں لئی نفسیاتی مداخلت (انٹروینشن) دیاں بتھیریاں قِسماں نیں اتے تہانوں، تہاڈے مقامی علاقے اچ جو کجھ وی دستیاب ہو سکدا اے اوہدا حوالہ دتا جا سکدا اے۔¹

کوئی خاص نفسیاتی مداخلت لینڑ واسطے جئے تہانوں ویٹنگ لسٹ دا ساہمنڑا اے، تاں تہانوں اپنڑے ڈاکٹر نال ایس بارے گل کرنی چاہی دی اے کہ ایس ویٹنگ دے دوران تسیں اپنڑی دیکھ بھال لئی کیہ کر سکدے او.

سوچنڑ سمجھنڑ دے رویے دی تھراپی (سی۔ بی۔ ٹی)

ساہڈے اچوں بڑے جئے لوکاں اچ منفی سوچ دیاں عادتاں نیں جہڑیاں علاوہ انہاں واقعات دے جہڑے ساہڈی زندگی اچ ہندے نیں، ساہنوں اداس کرنڑ اتے اداس رکھنڑ دا امکانڑ رکھدیاں نیں. سی۔ بی۔ ٹی تہاڈی مدد کردا اے کہ تسیں:

1. سوچنڑ دے کسی وی غیر حقیقی اتے بے فائدہ انداز دی شناخت کرو
2. اُوس توں بعد سوچنڑ اتے برتاؤ کرنڑ لئی نویں اتے فائدہ مند طریقے اختیار کرو.

CBT دے کول ڈپریشن دے علاج دے طور تے بہترین ثبوت موجود نیں۔^{1 30 31}

انٹرپرسنل تھراپی (آئی۔ پی۔ ٹی)

انٹرپرسنل تھراپی تہانوں خاندان، شراکت داراں اتے یاراں بیلیاں نال اپنڑے تعلقات اچ کسی وی طرح دے مسئلیاں دی شناخت اتے انہاں نوں حل کرنڑ اچ مدد کر سکدی ے.

رویے نوں برقرار رکھنڑا

رویے نوں برقرار رکھنڑاں تہانوں ہور وی مثبت رویے نوں فروغ دینڑ دی ترغیب دیندا اے جیویں کہ سرگرمیاں دی منصوبہ بندی کرنڑا اتے ایسے تعمیری کم کرنڑا جنہاں توں عام طور تے تسیں دور رہندے او.

کپل تھراپی

جئے تسیں کسی ایسے رشتے اچ او جہدے بارے تہانوں لگدا اے کہ تہاڈے ڈپریشن نوں متاثر کر رہیا اے، تاں کپل تھراپی تہاڈے ڈپریشن اتے تہاڈے تعلقات دے درمیان تعلق کو سمجھنڑ اچ تہاڈی مدد لئی مناسب ہو سکدی اے۔ ایہدے نال تہانوں اپنڑے جیونڑ ساتھی نال ہور وی سپورٹیو تعلقات بناؤنڑ اچ مدد مل سکدی اے۔

کونسلنگ

تربیت یافتہ کونسلر تہاڈیاں علامتاں اتے مسئلیاں بارے پتہ لاؤنڑ اتے تہانوں مدد اتے رہنمائی دینڑ اچ تہاڈی مدد کر سکدے نیں۔

سائیکوڈائنامک سائیکو تھراپی

ایہہ طریقۂ علاج تہانوں ایہہ ویکھنڑ اچ مدد کردا اے کہ تہاڈے ماضی دے تجربے ایتھے تہاڈی زندگی نوں کیویں متاثر کر رہے نیں۔

اینٹی ڈپریسنٹس

جئے تہاڈا ڈپریشن موڈریٹ اے یاں شدید اے، یاں لمبے ٹائم تک رہندا اے، تاں تہاڈا ڈاکٹر تہانوں اینٹی ڈپریسنٹس تجویز کر سکدا اے، عام طور تے اک ایسی قسم جنہوں سلیکٹیو سیروٹونن ری اپٹیک انحیبیٹرز (SSRIs)^{1 32} کہیا جاندا اے۔ اوہ ایس بارے گل بات کرنڑ گے کہ کیہڑا اینٹی ڈپریسنٹ تہاڈے لئی بہترین ہو سکدا اے، ایس بنیاد تے کہ تسیں ماضی اچ کہڑا اینٹی ڈپریسنٹس ورتیاں ہوئیا اے اتے، دوجیاں دوائیاں جہڑیاں تسیں لے رہے او، اتے تہانوں صحت دے کہڑے دوجے مسئلے درپیش نیں۔

کیہ اینٹی ڈپریسنٹس دے مضر اثرات ہُندے نیں؟

ساریاں دوائیاں ہار، اینٹی ڈپریسنٹس دے وی ضمنی اثرات ہُندے نیں، حالانکہ ایہہ عام طور تے ہلکے ہُندے نیں اتے کجھ ہفتیاں بعد مُک جاندے نیں۔^{32 33}

جئے کوئی ایسی شئے ہے جہڑی تہانوں پریشان کردی اے، یاں تہانوں بہت سارے ضمنی اثرات دا ساہمنڑا اے تاں تہاڈا ڈاکٹر تہانوں مشورہ دے سکدا اے کہ تسیں کیہ توقع رکھو اتےتہانوں اوہدے نال گل کرنی چاہی دی اے۔ تہانوں اپنڑے فارماسسٹ توں وی دوائیاں بارے تحریری معلومات مل جائیگی۔

جئے کسی اینٹی ڈپریسنٹ نال تہانوں نیندر آ جاندی اے، تاں تہانوں چاہی دا اے کہ اونہوں رات نوں لؤو، تاکہ ایہہ تہانوں سونڑ اچ مدد دیوے۔ البتہ، جئے تہانوں دنڑ ویلے نیندر آؤندی اے تاں، تہانوں اوس ویلے تک گڈی نئیں چلاؤنڑی چاہی دی یا مشینڑ تے کم نئیں کرنا چاہی دا جدوں تک کہ اوہدا اثر مُک نہ جاوے۔ جئے تسیں ایہہ گولیاں کھاؤنڑ ویلے دارو پئیو گے تاں الکحل پاروں تہانوں بہت زیادہ نیندر آوے گی لہذا ایہدے توں پرہیز ای چنگا اے۔³⁴

کجھ دوجیاں دوائیاں دے برعکس، (جیویں کہ نیکوٹین یا الکحل)، تہانوں اینٹی ڈپریسنٹس دی طلب نئیں ہووے گی یا اوہو ای اثر لینڑ لئی مزید دوائی کھانڑ دی لوڑ محسوس نئیں ہووے گی۔¹

مینوں کِنھا چیر اینٹی ڈپریسنٹ لینڑ دی لوڑ اے؟

سب توں پہلاں، (پہلے 2 ہفتیاں بعد، فیر پہلے 3 مہینے لئی ہر 2 توں 4 ہفتیاں بعد، اتے اوہدے بعد کدی کدار)، تہاڈے ڈاکٹر نوں ایہہ پک کرنڑ لئی تہانوں باقاعدگی نال ویکھنڑ دی لوڑ ہووے گی کہ علاج کم کر رہیا اے یاں نئیں۔¹

جئے تہانوں خودکشی کرنڑ دے خیال آؤندے نیں، یاں تہاڈی عمر 30 سال توں گھٹ اے، تاں ڈاکٹر نو چاہی دا اے کہ تہانوں بار بار (عام طور تے ہفتہ وار) چیک کرے۔ ایس لئی کہ کجھ اینٹی ڈپریسنٹس ابتدائی طور تے خودکشی دے خیالاں نوں ودھا سکدے نیں، خاص طور تے جئے تہاڈی عمر گھٹ اے۔¹

جئے اینٹی ڈپریسنٹس لینڑ نال مدد ملے، تاں تہانوں اُنہاں نوں گھٹ و گھٹ 6 مہنیاں تک لیندے رہنڑا چاہی دا اے، بھانویں تسیں تندرست محسوس کرو فیر وی۔ اینج کرنڑ نال ڈپریشن دے مُڑ آؤنڑ دے چانس گھٹ کرنڑ اچ مدد مل سکدی اے۔¹

اتے جئے تسیں پہلاں وی ڈپریشن دا شکار رہ چُکے او تاں تہانوں ہور وی چیئر تک انہاں نوں ورتنا پووے گا۔ تہاڈا ڈاکٹر تجویز کرے گا کہ تسیں اِنہاں نوں لینڑا کدوں بند کرونگے، اتے اینہوں بند کرنڑ دا محفوظ طریقہ کیہ ہووے گا۔

جئے تسیں اکو دم اینٹی ڈپریسنٹ لینڑا بند کر دیو گے تاں تہانوں ودڈرال دی شکایت ہو سکدی اے۔ انہاں وچ نیند دے مسائل، بے چینی، چکر آؤنڑا یاں ڈھیڈ اچ پیڑ ہونڑا شامل نیں۔¹

جئے تسیں محسوس کرو کہ تسیں جہڑی اینٹی ڈپریسنٹ لے رہے او (لینڑ توں تقریباً 3 توں 4 ہفتیاں بعد)، اوہ کم نئیں کر رہی تاں اپنڑے ڈاکٹر نال گل کرو۔ اوہ تہاڈی خوراک دی مقدار بدل دے گا یاں کوئی دوجی اینٹی ڈپریسنٹ یا دوائی وی دے سکدا اے۔¹

(شدید ڈپریشن وچ) مزید مدد لینڑاں

ڈپریشن دا شکار زیادہ تر لوک اپنڑے جی پی توں مدد لیندے نیں۔ جئے تہاڈے جی پی توں علاج معالجے نال تہاڈے ڈپریشن نوں فرق نئیں پیا تاں تہانوں ہور وی ماہرانہ مدد دی لوڑ اے، ایس صورت وچ تہانوں دماغی صحت دی ماہر سروس یاں ٹیم کول کلھیا جا سکدا اے۔.¹

دماغی صحت دا ماہر ممکنڑا طور تے، تہاڈے مجموعی پس منظر اتے ماضی وچ تہانوں پیش آؤنڑ آلی کسی بھی اہم بیماری یا جذباتی مشکلاں بارے پُچھے گا۔

اوہ تہاڈی زندگی دے حالیہ واقعات بارے پُچھنڑ گے، ڈپریشن کیویں ودھ گیا اے، اتے کیہ تسیں پہلے وی ایہدا کوئی علاج کروایا اے یاں نئیں۔

انہاں ساریاں سوالاں دا جواب دینڑا بعض ویلے مشکل ہو سکدا اے، البتہ جہڑی معلومات تسیں فراہم کروں گے اوہدے نال، ڈاکٹر نوں تہانوں بہتر طور تے سمجھنڑ اتے تہاڈے لئی مناسب آپشناں تجویز کرنڑوچ مدد ملے گی۔

جئے تاں تہاڈا ڈپریشن شدید اے یاں تہانوں خصوصی علاج معالجے دی لوڑ اے، تاں تہانوں دیکھ بھال لئی ہسپتال وچ داخل ہونڑ دی لوڑ پئے سکدی اے۔ تہاڈی کیئر ڈیم ایہہ پک کرے گی کہ تہانوں تہاڈی لوڑ دے مطابق مناسب علاج اتے سپورٹ لبھے۔

الیکٹروکونوولس (Electroconvulsive) تھراپی (ECT)

Electroconvulsive therapy (مختصر طور تے ECT) نوں زیادہ تر اِنہاں دے علاج دے طور تے ورتیاں جاندا اے:

• شدید ڈپریشن دے علاج لئی جدوں کسی بندے دی جان نوں خطرہ ہووے اتے اونہوں فوری علاج دی لوڑ ہووے۔
• جدوں درمیانے درجے دا یاں شدید ڈپریشن ہووے اتے ہور کوئی علاج کم نہ آوے۔¹

ECT دے عمل وچ دماغ وچوں برقی رولنگھائے جانڑا شامل ہندا اے، ایس لئی ایہہ ہمیشہ ہسپتال وچ جنرل اینستھیزیا دے تحت کیتا جاندا اے۔ بعض لوکاں نوں ECT دے بعد یاداشت دے عارضی مسئلے ہو جاندے نیں۔

متبادل علاج معالجہ

سینٹ جانز وارٹ جڑی بوٹیاں دا اک علاج اے، جہڑا ہلتھ فوڈ اسٹوراں اتے فارمیسیاں تے دستیاب ہُندا اے اتے کجھ لوکی انہاں نوں ڈپریشن لئی ورتدے نیں۔ انہاں نوں عام طور تے ڈاکٹر تجویز نئیں کردے اتے ناں ہی انہاں دا مشورہ دیتا جاندا اے، کیونکہ:

• ڈپریشن لئی صحیح خوراک (ڈوز) واضح نئیں کیتی گئی اے
• انہاں دے اجزاء وچ کیہ کجھ اے انہاں دیاں وکھو وکھ قسماں ہو سکدیاں نیں
• ایہہ دوجیاں دوائیاں، (خاص طور تے حمل تے قابو پاؤنڑ آلیاں گولیاں، اینٹی کوگلنٹ، یا اینٹی کنولسنٹس ) دے نال مل کے ورتنڑ دی صورت وچ سنگین مسائل پیدا کر سکدیاں نیں۔¹

جئے تہانوں ہور مشورہ درکار ہووے، تاں اپنے جی۔ پی یا فارماسسٹ نال گل کرو۔

میں کسی ایسے جی دی مدد کیویں کر سکدا آن جہڑا ڈپریشن وچ ہووے؟

• سنڑو۔ ایہہ ودھ مشکل کم ہو سکدا اے۔ ممکنڑ اے تہانوں اکو ای گل بار بار سننڑی پووے۔ عام طور تے ایہہ بہتر اے کہ تسیں کوئی مشورہ نہ دیو جدوں تک کہ تہاڈے کولوں مشورہ منگیا نہ جاوے، بھانویں تہانوں اوہدا حل بڑی چنگی طری ہی پتہ کیوں نہ ہووے۔ جئے ڈپریشن کسی خاص مسئلے دی وجہ توں پیدا ہوئیا اے، تاں تسیں ایس مسئلے دا حل تلاش کرنڑ یا ایہدے توں نبڑنڑ دا طریقہ لبھنڑ وچ مدد کر سکدے او۔
• انہوں نال وقت گزارو۔ ڈپریشن دے شکار بندے نال تھوڑا وقت لنگھاؤنڑا وی اوہدے لئی بہت مددگار ثابت ہو سکدا اے۔ انہاں نوں ایہہ احساس دوانڑا کہ تسیں انہاں لئی موجود او، انہاں نوں گل کرنڑ اتے بہتر محسوس کرنڑ وچ کم جاری رکھنڑ تے حوصلہ افزائی کر سکدا اے۔
• اُنہاں نوں یقین دواؤ۔ ڈپریشن دا شکار بندے لئی ایہہ یقین کرنا مشکل ہو سکدا اے کہ وہ کدی وی بہتر ہو سکدے نیں۔ تسیں اُنہاں نوں یقین دواندے او کہ وہ چنگے بھلے ہو جانڑ گے، البتہ تہانوں کئی واری ایہہ گل دہرانڑ دی لوڑ پئے سکدی اے۔
• ذاتی دیکھ بھال اچ اُنہاں دی مدد کرو۔ اس گل نوں یقینی بناؤ کہ اوہ کافی خوراک خرید رئے نیں تے باقاعدگی نال کھا رئے نیں، اوہناں دی خوراک وچ پھلاں تے سبزیاں دی چنگی مقدار دے نال۔ تسیں انہاں نوں باہر نکلنڑ، ورزش کرنڑ، خوشگوار موسم دا مزہ لینڑ وچ انہاں دی مدد کر سکدے او، جہڑا کہ الکحل یاں منشیات دے ورتاؤ دا اک بہتریناتے صحت بخش متبادل ہو سکدا اے۔
• اُنہاں دے جذبات نوں سنجیدگی نال لؤو۔ جئے او پہلے توں بدتر ہندے جا رہے نیں تے جینڑاں نئیں چاہندے یا اپنڑے آپ نوں نقصان پہنچانڑ دا اشارہ دینڑ تاں اُنہاں نوں سنجیدگی نال لؤو۔ ایہہ پک کرو کہ اوہ اپنڑے ڈاکٹر نال ایس بارے گل کرنڑ۔
• حوصلہ افزائی کرو کہ اوہ مدد لینڑ لئی راضی رہنڑ۔ اُنہاں دی حوصلہ افزائی کرو کہ اوہ اپنڑے ڈاکٹر نوں ملنڑ، اپنڑیاں دوائیاں لینڑ، یاں اپنے تھراپسٹ یا مشیر نال گل کرنڑ۔ جئے او اپنڑے علاج بارے فکر مند نیں، تاں انہاں نوں اپنڑے ڈاکڑ نال گل کرنڑ تے حوصلہ افزائی کرو۔
• اپنڑا وی خیال رکھو۔ ڈپریشن دے شکار بندے دی مدد کرنا جذباتی طور تے تھکا دینڑ آلا کم اے، ایس لئے اپنڑی ذہنی صحت تے تندرستی کا وی خیال رکھنڑا یاد رکھو۔

جئے تسیں فکر مند او کہ تہاڈی جانڑ پہچانڑ والا کوئی بندہ خود کشی کر سکدا اے۔

ڈپریشن دے شکار بہت ہی تھوڑے بندے خود کشی دی کوشش کر سکدے نیں یا خود کشی نال مر سکدے نیں۔^{35 36}

جئے تسیں کسی بندے بارے فکر مند او، تاں ضروری اے کہ اوہدے خودکشی بارے خیالاں تے جذبات دے بارے گل بات کرو تے اونہوں سنجیدگی نال لؤو۔ 

کسی نوں ایہہ پُچھنڑاں کہ کیا او خود کشی کرنڑ بارے سوچ رہیا اے، اوہدے دماغ اچ خود کشی دا خیال نئیں پاوے گا، یا ایہہ پُچھنڑ نال اوہدے خود کشی کرنڑ دے خیال ودھ نئیں جانڑ گے کہ اوہ اِنہاں تے عمل کرے۔^{37 38}

جئے تسین ہونڑ وی کسی بارے فکر مند او، تاں تہانوں مزید مدد تے مشورے لئی تھلے دتی گئی سروسز وچوں کسی ایک نال رابطہ کر سکدے او۔

زیرو سوسائیڈ الائنس (ٍZero Suicide Alliance) خودکشی بارے آگاہی تے روک تھام لئی مفت آن لائن تربیت دیندی اے، جہڑی لوکاں نوں کسی ایسے بندی دی مدد کرن لئی صحیح ابتدائی قدم چکنڑ بارے مدد فراہم کردے نیں کہ جہڑے بندے بارے تسیں فکر مند او۔

خود کشی دے خیالاں لئی مدد لینڑاں

جئے تہانوں ہنڑے ای مدد دی لوڑ اے، تاں ایسی سروسز موجود نیں جہڑیاں تہاڈی ہنڑے ای مدد کر سکدیاں نیں:

برطانیہ بھر چ

• سماریٹنز نوں 123 116 تے (فری فون) کرو، jo@samaritans.org تے ای میل کرو، یاں سماریٹنز دی ویب سائٹ وزٹ کرو
• 111 NHS تے (مفت فون) کال کرو یا NHS دے ویب پیج Where to get urgent help for mental health تے وزٹ کرو
• ہنگامی ملاقات لئی اپنڑے GP نال رابطہ کرو، (ایہہ رابطہ فون یا ویڈیو کال تے کیتا جا سکدا اے)
• اپنڑی لوکل مینٹل ھیلتھ کرائسس ٹیم نال رابطہ کرو۔ (جئے تہانوں نئیں پتہ اوہ کونڑ نیں؟ تاں 111 NHS تہاڈی مدد کر سکدا اے)
• مائنڈ (Mind) دے I need Urgent Help ویب پیج تے آن لائن مدد لؤو۔

ویلز اچ

• تسیں ویلش گورنمنٹ دی دماغی صحت توں متعلق ایڈوائس لائن ‘C.A.L.L (ویلز) یاں 737 132 0800 تے (مفت فون) کال کر سکدے او

اسکاٹ لینڈ

• بریتھنگ اسپیس(اسکاٹ لینڈ) تے جاؤ یاں 87 85 83 0800 تے (مفت فون) کال کرو

شمالی آئر لینڈ

• لائف لائن تے وزٹ کرو یا 8000 808 0808 تے (مفت فون) کال کرو

جئے تسیں سمجھدے او کہ تسیں ہنڑ وی اپنڑے آپ نوں محفوظ نئیں رکھ سکدے، اتے دیگر سپورٹ تہاڈی مدد لئی کافی نئیں اے، تاں 999 تے کال کرو یا اپنڑے توں سب توں نیڑے ہسپتال دے A&E ڈپارٹمنٹ (بعض ویلے ایہنوں ایمرجنسی ڈپارٹمنٹ وی کہیا جاندا اے) تے کال کرو۔ یاں فیر، تسیں کسی ہور بندے نوں وی کہہ سکدے او کہ اوہ تہانوں A&E ڈپارٹمنٹ اچ لے جانڑ واسطے 999 تے کال کرے۔

مزید مدد

بعد از پیدائش بیماری دی ایسوسی ایشن (APNI):  APNI پیدائش توں بعد ڈپریشن دی شکار ماواں نوں سپورٹ کردا اے۔ ایہدا مقصد لوکاں نوں پیدائش توں بعد دی بیماری بارے جاننڑ اچ مدد کرنا اتے ایہدے اسباب اتے خصوصیتاں نوں سمجھنڑ لئی تحقیق دی حمایت کرنا اے۔ ھیلپ لائن: 0868 386 0207 (10 وجے سویر توں 2 وجے دوپہر پیر توں جمعہ)۔

کالے، افریزی اتے ایشیائی لوکاں دی تھراپی دا نیٹ ورک (BAATN): برطانیہ وچ سب توں وڈی خود مختار تنظیم، جہدا مقصد کالے، افریقی، جنوبی ایشیائی اتے کیریبین لوکاں لئی مناسب نفسیاتی سروسز تک پہنچ نوں بہتر بناؤنڑا اے۔ اوہ دماغی صحت بارے معلومات، اتے تھراپسٹ لبھنڑ لئی ایک ڈائریکٹری، ایونٹس، ٹریننگ اتے دوجے وسائل فراہم کردے نیں۔ ای میل: connect@baatn.org.uk

CALM (خستہ حالی وچ زندگی جینڑ دے خلاف مہم): اک قومی مہم اے جہڑی ڈپریشن دا مقابلہ کرنڑ لئی تے جواناں وچ خود کُشی نوں روکنڑ لئی وقت اے۔ خفیہ ھیلپ لائن: 58 58 58 0800 (5 وجے شام توں ادھی رات، ہفتے اچ 7 دنڑ)۔

ڈپریشن یوکے: ڈپریشن دے شکار لوکاں لئی باہمی تعاون دا اک قومی گروپ۔  ای میل: info@depressionuk.org

مرداں دا ہیلتھ فورم: اک خیراتی ادارہ جہڑا انگلینڈ، ویلز اتے اسکاٹ لینڈ اچ مرداں دی صحت بارے تحقیق کر کے، مرداں دی صحت دے مسائل بارے واقفیت پیدا کرنڑ، اتے صحت بارے معلومات اتے مشورہ دے کے مدد کردا اے۔ فون: 7908 7922 020

ذہنی صحت دا فورم اک آن لائن کمیونٹی جتھے لوکی اکو جئے تجربیاں دی بنیاد تے اک دوجے دی مدد کر سکدے نیں۔

مائنڈ دماغی صحت دا اک خیراتی ادارہ جہڑا دماغی صحت سے مسئلیاں دے شکار لوکاں لئی مشورے اتے مدد دیندا اے، اتے مقامی طور تے اکو جئے لوکاں دی سپورٹ لئی بنڑے ہوئے گروپس بارے معلومات دیندا اے۔ ھیلپ لائن: 3393 123 0300 (9 وجے سویر توں 6 وجے شام، پیر توں جمعہ)۔ ایہہ اُنہاں لوکاں نال برتاؤ بارے وی معلومات فراہم کردا اے جہڑے کسی اور دی حمایت کر رہے ہندے نیں۔ لوکل مائنڈز(Local Minds) تہاڈے گھر دے نیڑے دماغی صحت دی سروس لبھنڑ اچ تہاڈی مدد کر سکدے نیں۔

مائنڈ آؤٹ (٘MindOut): ایہہ ذہنی صحت دی اک سروس اے جہڑی ہم جنس پرست مرداں، عورتاں، ابیلنگی، ٹرانسجینڈر اتے کوئیر (ایل۔ جی۔ بی۔ ٹی۔ آئی۔ کیو) لوکاں دے ذریعے چلائی جاندی اے۔ ایہہ مشورہ، معلومات، آن لائن مدد، مشاورت، اکو جئے لوکاں دی سپورٹ اتے ایڈووکیسی دی خدمت فراہم کردے نیں۔ فون: 839 234 01273 ، ای میل: info@mindout.org.uk

 نیشنل ھیلتھ سروس (NHS): دماغی صحت دی سروس تک پہنچ بارے معلومات

پیپیرس ہوپ لائن یو۔ کے (Papyrus Hopeline UK): اک ایسی ھیلپ لائن جہدا عملہ پیشہ وراں دے ذریعے 35 سال توں گھٹ عمر دے اُنہاں لوکاں نوں مدد، عملی مشورہ اتے معلومات پیش کردا اے، جہڑے خودکُشی ورگے خیالاں دا شکار ہندے نیں یاں کسی ہور ایسی سوچ آلے بندے لئی فکر مند نیں۔ ھیلپ لائن: 41 41 068 0800

ریڈنگ ویل ایجنسی: نسخے تے کتاباں (Books on Prescription): اک پروگرام جہڑا لوکاں دی مدد لئی ڈیزائن کیتا گیا اے تاکہ اوہ اپنڑی مدد آپ دے تحت مواد پڑھ کے اپنڑی صحت دی بہتری دا بندوبست کرنڑ۔ ایہنوں صحت دے پیشہ ور لوکاں، جیویں کہ رائل کالج آف سائیکاٹرسٹسthe Royal College of Psychiatrists دی مدد حاصل اے، تے انہوں پبلک لائبریریاں دی سپورٹ وی حاصل اے۔

ریلیٹ (Relate): ریلشن شپ سپورٹ لئی برطانیہ دا سب توں وڈا پروائیڈر۔ کونسلنگ دیاں ڈھیر ساریاں خدمتاں دی پیش کش کردا اے۔ انکوائریز: 0396 003 0300۔

سماریٹنز(Samaritans): برطانیہ تے جمہوریہ آئر لینڈ وچ ایک قومی خیراتی ادارہ اے جہڑا خود کشی یا پریشانی دے شکار کسی وی بندے نوں خفیہ جذباتی مدد فراہم کردا اے۔ ھیلپ لائن: 123 116۔ ای میل: jo@samaritans.org

سین لائن (SaneLine): اک قومی ھیلپ لائن اے جہڑی معمول دے گھنٹیاں توں بعد وی دستیاب اےاتے دماغی صحت دے مسائل توں متاثر لوکاں نوں جذباتی مدد اتے معلومات فراہم کردی اے۔ ھیلپ لائن: 700 304 0300 (دوپہر 4:30 توں رات 10:30 وجے تک روزانہ)۔ ای میل: support@sane.org.uk

اسٹون وال (Stonewall): ایہہ LGBTIQ+ کمیونٹیاں لئی معلومات تے سپورٹ بشمول سروسز اتے لوکل گروپس بارے معلومات دی پیش کش کردی اے۔ مفت فون: 2020 050 0800 (پیر تو جمعہ، 9:30 توں 4:30) ای میل: info@stonewall.org.uk

سوئچ بورڈ (Switchboard): ایہہ LGBTQ+ ھیلپ لائن اےجہڑی ہر اوس لئی معلومات، مدد اتے ریفرل سروسز دی پیشکش کردی اے، جہڑا اپنڑی جنسیت، صنفی شناخت، یاں ذہنی صحت توں متعلق مسئلیاں تے گل بات کرنا چاہندا ہووے۔ اوہ آن لائن چیٹ وی کردے نیں، فون لائن: 0360 330 0300 (صبح 10 وجے توں رات 10 وجے روز دہاڑی) ای میل: chris@switchboard.lgbt

ینگ مائنڈز (Young Minds): اک قومی خیراتی ادارہ جہڑا 25 سال توں گھٹ عمر دے بالاں اتے جواناں دی ذہنی صحت نوں بہتر بناؤنڑ لئی پُر عزم اے۔ ماں پیو (Parents) دی ھیلپ لائن: 5544 802 0808 (صبح 9:30 تو شام 4 وجے پیر توں جمعہ)۔

زیرو سوسائیڈ الائنس (Zero Suicide Alliance) خودکشی بارے آگاہی تے روک تھام لئی مفت آن لائن تربیت دی پیش کش کردا اے تاکہ اُنہاں لوکاں دی مدد کیتی جاوے جہڑے کسی ہور بارے فکر مند نیں.

قبولنڑا

RCPsych پبلک انگیجمنٹ ایڈیٹوریل بورڈ اتے نیشنل کولیبریٹنگ سینٹر فار مینٹل ھیلتھ دے تعاون نال مرتب کیتا گیا.

سیریز ایڈیٹر: ڈاکٹر فل ٹِمز

سیریز مینیجر: تھامس کینیڈی

© اکتوبر 2020ء رائل کالج آف سائیکاٹرسٹ (Royal College of Psychiatrists)