Gwobr Ymchwil Iechyd Meddwl Pobl Ifanc Cenedlaethol
Mae Gwobr Ymchwil Iechyd Meddwl Pobl Ifanc yn fenter gan Goleg Brenhinol y Seiciatryddion yng Nghymru i hyrwyddo ymchwil, arloesi, ac ymwybyddiaeth o broblemau Iechyd Meddwl ledled Cymru.Cynlluniwyd y rhaglen genedlaethol i annog pobl ifanc i wneud a chyflwyno ymchwil sy'n canolbwyntio ar faterion Iechyd Meddwl cyfredol. Bydd yr enillwyr yn cael eu dewis ar sail gwreiddioldeb eu hymchwil ac ansawdd cyflwyniad eu prosiect.
Bydd ceisiadau ar gyfer 2024/25 yn agor yn gynnar ym mis Tachwedd 2024.
Llinell amser
- Dylid derbyn pob datganiad o ddiddordeb erbyn 13 Rhagfyr 2024.
- Rhaid cyflwyno ceisiadau erbyn 21 Chwefror 2025.
- Cyhoeddir y ceisiadau buddugol ym mis Mawrth 2025.
Cwestiynau Cyffredin
Dyma ychydig o fanylion am y wobr, tra bydd gwybodaeth bellach a ffurflenni yn cael eu dosbarthu’n uniongyrchol unwaith y bydd datganiadau o ddiddordeb wedi’u cofrestru trwy lenwi’r blwch glas golau ar ochr dde’r sgrin. Gellir cyfeirio unrhyw ymholiadau pellach at Annie Fabian.
Mae'r gwobrau yn agored i unrhyw fyfyrwyr ym mlynyddoedd 12 a 13.
Nid oes cyfyngiad ar faint o waith myfyrwyr y gellir ei gyflwyno o ysgol unigol.
Rhaid i fyfyrwyr gyflwyno crynodeb o’u hymchwil ynghyd â methodoleg ysgrifenedig a chanlyniadau.
Gellir cyflwyn adran drafodaeth yr ymchwil mewn unrhyw fformat a ddewisir gan y myfyriwr/myfyrwyr. Er enghraifft, gallai hwn fod yn adroddiad ysgrifenedig, cyflwyniad PowerPoint, poster, fideo, podlediad, neu gyfuniad.
Croesawir cyflwyniadau yn Gymraeg neu Saesneg.
Mae yna nifer o opsiynau gwahanol, ac mae llawer yn dibynnu ar y pwnc ymchwil sy'n cael ei ystyried.
Mae rhai enghreifftiau yn cynnwys adolygiadau llenyddiaeth, archwiliadau, cyfweliadau neu adroddiadau.
Bydd yr enillwyr yn cael eu dewis ar sail gwreiddioldeb eu hymchwil ac ansawdd cyflwyniad eu prosiect. Bydd y meini prawf beirniadu yn cael ei rannu gydag ymgeiswyr.
Yn ogystal â chynnig gwobr o £100, bydd gwaith yr enillydd yn cael eu harddangos yng nghyfarfod Academaidd Cymdeithas Seiciatrig Cymru, y Ganolfan Iechyd Meddwl Genedlaethol a Choleg Brenhinol Seiciatryddion Cymru. Mae hyn wedi'i drefnu ar gyfer Mawrth 2025.
Bydd y ceisiadau ar y rhestr fer hefyd yn cael eu harddangos ar wefan y Coleg.
Gallwch wneud cyflwyniadau fel unigolyn neu fel grŵp (uchafswm o bump o bobl).
Gofynnwn i chi gofrestru diddordeb trwy lenwi'r ffurflen ddigidol yn y blwch glas golau, a bydd yr holl bapurau'n cael eu hanfon yn uniongyrchol.
Enillydd 2021
Dyma gais buddugol 2021. Mae'r datganiad i'r wasg cysylltiedig yn cynnwys yr astudiaeth a gwblhawyd gan Julia.
Dioddefodd gweithwyr gofal iechyd rheng flaen o anawsterau iechyd meddwl yn ystod misoedd cyntaf y pandemig
Julia Bugelli, myfyriwr chweched dosbarth o Ysgol Glan Clwyd oedd y cyntaf i dderbyn ein Gwobr Ymchwil Iechyd Meddwl Pobl Ifanc Cenedlaethol ar gyfer 2021/22.
Cyflwynwyd y wobr yn ffurfiol i Julia yn ein Cynhadledd Aeaf gyda Chymdeithas Seiciatrig Cymru a’r Ganolfan Iechyd Meddwl Genedlaethol ar 2 Rhagfyr 2022.
Mae ei hastudiaeth ar gael drwy’r datganiad i’r wasg cysylltiedig: Dioddefodd gweithwyr gofal iechyd rheng flaen anawsterau iechyd meddwl yn ystod misoedd cyntaf y pandemig – astudiaeth unigryw gan fyfyriwr o Gymru.
Er bod astudiaeth Julia yn rhagddyddio cyhoeddi'r rhaglen hon, gellir gweld ei hastudiaeth a'i hadroddiad fel enghraifft o sut y gallai pobl ifanc ddymuno adrodd a chyflwyno canfyddiadau.
