Dadl Genedlaethol ar Iechyd Meddwl ar gyfer Pobl Ifanc
A yw pobl ifanc yn cymryd rhan yn y broses o wneud penderfyniadau?
Mae'r digwyddiad hwn yn dilyn ymlaen o Ddadl Genedlaethol lwyddiannus ar Iechyd Meddwl ar gyfer Pobl Ifanc y llynedd, y tro hwnnw bu ysgolion yn trafod y cynnig 'A all pobl ifanc atal newid hinsawdd?'.
Rydym yn gofyn i ysgolion gofrestru diddordeb a byddwn yn anfon rhagor o fanylion drwodd.
- Bydd pob ysgol a wahoddir yn enwebu dau lefarydd myfyrwyr i'w cynrychioli yn y ddadl.
- Dylai un tîm o bobl ddadlau 'o blaid' y cynnig, a dylai un person ddadlau 'yn erbyn' y cynnig ar ran eu hysgol.
- Dylai pob cyfraniad bara 2 funud fel uchafswm.
- Mae pob cyfraniad wedi'i recordio ymlaen llaw, a gellir derbyn cyflwyniadau yn Gymraeg neu Saesneg.
Yn ystod y digwyddiad ei hun, bydd cyflwyniadau'n cael eu darlledu a bydd cyfraniadau gan bobl amlwg hefyd.
Bydd ysgolion yn cael y cyfle i ryngweithio drwy gofrestru pleidleisiau i weld a yw disgyblion yn cytuno neu’n anghytuno â’r cynnig cyn ac ar ôl darlledu’r cyflwyniadau.
Bydd y digwyddiad yn rhedeg yn 'fyw' ar ddydd Gwener 15 Rhagfyr, bydd y recordiad hefyd ar gael i ysgolion ei wylio, a bydd hwn ar gael ar ddiwrnod y digwyddiad.
Os hoffech gofrestru eich ysgol i gymryd rhan, cwblhewch y ffurflen electronig o'r blwch glas gyferbyn yn y lle cyntaf, yna byddwn yn dod yn ôl atoch gyda manylion ynghylch sut i gyflwyno recordiad fideo a'r holl ddyddiadau cau perthnasol.
Gofynnwn i ysgolion gofrestru diddordeb yn gynnar er mwyn osgoi siom.
Byddwn yn awyddus i glywed barn yn uniongyrchol gan bobl ifanc ar y cynnig 'a yw pobl ifanc yn cymryd rhan yn y broses o wneud penderfyniadau?'. Dyma rai cwestiynau a allai helpu i ysgogi trafodaeth.
- A yw pobl ifanc yn teimlo eu bod wedi'u grymuso i weithredu?
- A fydd gwleidyddion yn gwrando ar bobl ifanc wrth wneud penderfyniadau?
- A fydd gweithredoedd bach yn arwain at newidiadau mawr?
- A ddylai pobl ifanc deimlo'n obeithiol am y dyfodol?
- Sut gall pobl ifanc sicrhau bod eu lleisiau'n cael eu clywed?
Gall y ddadl dynnu sylw at achosion o fewn teulu, ysgol neu leoliadau cymdeithasol ehangach.
Byddwn yn anfon canllaw byr ar y ffordd orau i gyflwyno'r recordiadau, a bydd hwn yn cael ei rannu ar ôl i ysgolion gofrestru eu diddordeb. Gallwch chi fod yn sicr y bydd yn syml.
Mae gennym hefyd ganiatâd i rannu cwpl o enghreifftiau o recordiadau a rannwyd ar gyfer ein dadl ddiweddaraf ar gyfer disgyblion ysgolion uwchradd. Gellir rhannu'r rhain ar gais, cysylltwch ag Antonia Fabian.
Llinell Amser
- Cofrestrwch eich diddordeb cyn gynted â phosibl.
- Mae angen derbyn cyflwyniadau fideo erbyn dydd Gwener 1 Rhagfyr.
- Bydd rhaglen lawn y digwyddiad, gydag ysgolion sydd wedi'u cadarnhau a siaradwyr gwadd yn cael ei chyhoeddi ar ddydd Gwener 8 Rhagfyr.
- Bydd y ddadl yn cael ei darlledu dros Zoom ar ddydd Gwener 15 Rhagfyr.
Nodiadau i ysgolion
Mae gan Goleg Brenhinol y Seiciatryddion yng Nghymru hanes hir o gynnal y dadleuon iechyd meddwl llwyddiannus hyn ar gyfer pobl ifanc wyneb yn wyneb. Rydym hefyd wedi cynnal dadleuon rhithwir yn y fformat hwn yn llwyddiannus ar gyfer disgyblion ysgolion cynradd ac uwchradd ledled Cymru am yr ychydig flynyddoedd diwethaf.
Ein partneriaid ar gyfer y digwyddiad
- Technology Enabled Care Cymru (TEC Cymru) yw’r gwasanaeth ymgynghori fideo cenedlaethol, a gefnogir gan Lywodraeth Cymru.